ᐅᑯᐊᖑᕗᒍᑦ ᐃᒪᐃᓕᐅᖅᐸᑉᐳᒍᓪᓗ
ᐃᖃᓗᓐᓃᑦᑐᖅ, ᓄᓇᕗᒻᒥ, ᐸᖅᑭᔭᒥᒃ ᓈᓚᖕᓂᖅ ᐊᐅᓚᓂᖃᖅᐸᖅᑐᖅ ᐃᒻᒥᒃᑯᑦ ᑐᑦᑕᕐᕕᐅᑦᓱᓂ ᐱᑦᓯᐊᕐᓂᒻᒪᕆᐊᓗᒻᒧᑦ ᑐᓂᒪᓂᖃᖅᑐᒧᑦ ᓯᕗᕙᖅᑎᑦᓯᓂᕐᒧᑦ ᐃᓄᓐᓂᒃ ᑐᙵᕕᓕᒻᒥᒃ ᖃᑐᔾᔨᖃᑎᒌᓐᓂᒃᑯᑦ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒥᒃ ᑐᕌᖅᑕᖃᖅᓱᑎᒃ ᐊᓯᔾᔨᕐᓂᑦᓯᐊᕙᐅᒍᓐᓇᖅᑐᓂᒃ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒥ ᐱᕚᓪᓕᑎᑦᓯᓂᕐᒧᓪᓗ ᐋᓐᓂᐊᔪᑦ ᐃᑉᐱᒋᔭᐅᑦᓯᐊᕐᓂᖏᓐᓂᒃ ᐋᓐᓂᐊᓂᖏᓐᓅᖓᔪᓄᓪᓗ ᐃᓄᐃᑦ.
ᑕᐅᑐᖅᑰᖅᑕᐅᔪᖅ
ᑐᙵᕕᐅᑦᓱᓂ ᐱᑦᓯᐊᕐᓂᒻᒪᕆᒻᒧᑦ ᐃᓄᓐᓅᖓᔪᓂᒃ ᑲᑐᔾᔨᖃᑎᒌᓐᓂᕐᒥᓪᓗ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒧᑦ ᓄᓇᕗᒻᒥ ᓄᓇᓕᓐᓂ.
ᐱᓕᕆᐊᑦᓴᖅ
ᓄᓇᕗᒻᒥ ᑐᙵᕕᓕᒃ ᑲᑐᔾᔨᖃᑎᒌᓐᓂᖅ ᐊᑐᐃᓐᓇᐅᑎᑦᓯᔪᑦ ᖃᐅᔨᔭᐅᔪᓂᒃ ᑐᙵᕕᓕᓐᓂᒃ ᖃᐅᔨᒪᓂᐅᔪᓂᒃ ᑐᓴᐅᒪᔾᔪᑕᐅᓪᓗᑎᒃ ᐋᓐᓂᐊᖅᑐᓕᕆᓂᕐᒧᑦ ᐊᑐᐊᒐᕐᓄᑦ, ᐱᐅᓯᐅᔪᓄᑦ, ᐊᐅᓚᓂᐅᔪᓄᑦ ᖃᐅᔨᓴᕐᓂᕐᒥᓪᓗ ᓄᓇᕗᒻᒥ, ᓄᓇᕗᒻᒥᐅᓂᒃ ᓄᓇᕗᒻᒥᐅᓄᑦ.
ᐊᑐᖅᑐᖁᑎᕗᑦ
ᐱᑦᓯᐊᕈᑎᑦᓱᑎᒃ ᑲᓲᒪᓃᑦ
ᐱᔨᑦᓯᕐᓂᖅ ᓄᓇᓕᓐᓂᒃ
ᐊᖏᖃᑎᒌᓐᓂᒃᑯᑦ ᐋᔩᕐᓂᖅ
ᓴᓇᑐᓂᖅ ᖃᓄᖅᑑᕈᑎᑦᓴᖅᓯᐅᕐᓂᕐᓗ
ᒪᑐᐃᖓᔪᖅ, ᑐᙵᓇᖅᑐᖅ, ᐃᓚᐅᑎᑦᓯᓂᖃᖅᓱᓂ
ᐱᔭᕆᐅᖅᐸᓪᓕᐊᓂᖅ ᐱᔭᕆᐅᖅᓴᓂᒃᑯᑦ, ᐊᑦᓱᕉᑎᖃᕐᓂᒃᑯᑦ ᐊᐅᓚᔾᔭᒋᐊᕐᓂᒃᑯᓪᓗ
ᑕᐃᒫᑦᓯᐊᖅᑐᑦ ᓄᓇᓕᓕᓐᓂᓪᓗ ᑐᙵᕕᖃᖅᑐᖅ ᖃᐅᔨᓴᓂᕐᐅᔪᖅ
ᐱᒃᑯᒋᔭᖃᕐᓂᖅ ᐃᑉᐱᒍᓱᑦᓯᐊᕐᓂᕐᓗ ᓄᓇᒥᒃ, ᓂᕐᔪᑎᓂᒃ, ᐊᕙᑎᒥᓪᓗ
ᐱᓕᕆᖃᑎᒌᓐᓂᖅ ᑖᑦᓱᒪᙵᓴᐃᓐᓇᖅ ᐱᔾᔪᑎᖃᖅᓱᑎᒃ ᐊᑲᐅᓈᖅᓯᒪᔪᓄᑦ
ᓯᕗᓪᓕᐅᑎᔭᓪᓗᐊᑕᐃᑦ
ᓱᓇᐅᕙᑦ ᐸᖅᑭᔭᒥᒃ ᓈᓚᖕᓂᖅ ᓯᕗᓪᓕᐅᑎᔾᔭᓪᓗᐊᑕᖏᑦ?
ᐸᖅᑭᔭᒥᒃ ᓈᓚᖕᓂᖅ NuSPOR ᐃᑲᔪᖅᑐᐃᔨᖏᑦ ᐃᑲᔪᖅᑐᐃᕙᑉᐸᑦ ᖃᐅᔨᓴᕐᓂᕐᒥᒃ ᐅᑯᑎᒎᓇ:
- ᑮᓇᐅᔭᖅᑑᑎᖃᕐᓂᖅ ᓄᓇᓕᓐᓂ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᓂᕐᒥᒃ ᐱᕈᖅᐸᓪᓕᐊᑎᑦᓯᓂᕐᒧᑦ ᐃᖅᑲᓇᐃᔭᖅᑎᓂᒃ ᐋᓐᓂᐊᖅᑐᓕᕆᓂᕐᒥᓪᓗ ᖃᐅᔨᓴᕐᓂᕐᒧᑦ ᐃᓕᓐᓂᐊᕐᓂᕐᒥᒃ
- ᐋᓐᓂᐊᕕᓕᐊᖅᓯᒪᔪᓂᒃ ᑲᑐᔾᔨᖃᑎᖃᕐᓂᖅ ᖃᐅᔨᓴᑦᓯᐊᕐᓂᖅ ᓄᓚᓇᕗᒻᒥᐅᑦ ᖃᐅᔨᒪᓕᑕᐅᓗᑎᒃ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᖅᑕᐅᖁᔭᖏᓐᓂᒃ ᓯᕗᓪᓕᐅᑎᔭᐅᔪᓂᒃ ᑲᑐᔾᔨᑕᐅᓗᑎᓪᓗ ᐃᓗᓐᓇᖏᓐᓄᑦ ᐊᐅᓚᓂᓕᒪᖏᓐᓄᑦ ᖃᐅᔨᓴᕐᓂᐅᑉ
- ᑲᑎᓱᖅᑕᐅᔪᓂᒃ ᐊᐅᓚᑦᓯᓂᖅ – ᖃᐅᔨᓴᕐᓂᖅ ᐊᐅᓚᑕᐅᔪᑦ, ᓈᒻᒪᓈᖅᓯᒪᔪᑦ, ᐊᑦᓱᖏᖅᓯᒪᔪᒦᑦᑐᑦ ᐅᐊᔭᒨᖅᑐᑎᒍᑦ ᑲᑎᖅᓱᖅᓯᒪᔪᑦ ᐊᐅᓚᑦᓯᒍᓐᓇᕐᓂᕐᓗ ᐊᑐᐃᓐᓇᐅᓂᖏᓐᓂᒃ ᐊᑐᕋᑦᓴᐅᓂᖏᓐᓂᓪᓗ.
ᑕᖅᓴᑦᑕ ᒥᑦᓵᓄᑦ
ᐋᓐᓂᐊᖅᑐᓕᕆᓂᕐᒧᑦ ᑲᓲᒪᓂᐅᔪᑦ ᐃᓗᐊᓂ ᓄᓇᕗᑦ ᓄᓇᓕᓖᑦ ᓇᓗᓇᐃᔭᖅᑕᐅᒋᐊᓖᑦ ᐃᓄᐃᑦ ᐊᑐᖅᑐᖁᑎᖏᑦᑎᒍᑦ. ᓴᐸᖓᓕᐊᖑᓯᒪᔪᑦ ᑕᑯᑦᓴᐅᑎᑦᓯᔪᑦ ᕿᓄᐃᓵᕐᓂᕐᒥᒃ, ᐊᓐᓇᒍᓐᓇᕐᓂᕐᒥᒃ, ᑲᑦᓱᖓᐃᓐᓂᕐᒥᓪᓗ ᐊᑑᑎᒋᐊᓕᓐᓂᒃ ᑲᔪᓯᓂᐊᖅᐸᑕ ᑖᒃᑯᐊ ᑲᓲᒪᓂᐅᔪᑦ ᑖᒃᑯᓄᖓ ᐊᑐᖅᑐᖁᑎᒋᔭᐅᔪᓄᑦ.