ᖃᓄᖅ ᑮᓇᐅᔭᑎᒍᑦ ᐃᑲᔪᖅᑐᖅᑕᐅᕕᑦᓴᐅᒻᒪᖔᖅ
ᐸᖅᑭᔭᒥᒃ ᓈᓚᖕᓂᖅ ᐃᓄᐃᑦ ᐃᓕᓐᓂᐊᖅᑏᑦ ᐃᑲᔪᖅᑕᐅᔾᔪᑎᖏᑦ ᑐᕌᖅᑕᖃᖅᑐᑦ ᐃᑲᔪᖅᑐᐃᓂᕐᒥᒃ ᐃᓄᓐᓂᒃ ᐃᓕᓐᓂᐊᖅᑐᓂᒃ ᐃᓕᓐᓂᐊᕇᖅᓯᒪᔪᓂᓪᓗ ᐊᖏᓪᓕᒋᐊᖁᓪᓗᒋᑦ ᐃᓕᓐᓂᐊᖅᓯᒪᓂᖏᑦ ᐱᕙᓪᓕᐊᓂᖏᓪᓗ ᐋᓐᓂᐊᕕᓕᐊᖅᓯᒪᔪᓂᒃ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒥᒃ.
ᑐᕌᖅᑕᐅᔪᖅ ᑕᐃᒪᐃᑦᑐᒧᑦ ᖃᐅᔨᓴᓂᕐᒧᑦ, ᓄᓇᕗᒻᒥ, ᐱᖃᓯᐅᔾᔨᒐᔭᖅᑐᖅ, ᑖᒃᑯᑑᙱᒃᑲᓗᐊᖅᓱᑎᒃ, ᐊᑐᐃᓐᓇᐅᑎᑦᓯᓂᖅ ᖃᐅᔨᔭᐅᓯᒪᔪᓂᒃ ᖃᐅᔨᒪᓂᖃᕐᓂᖅ, ᑐᙵᕕᓕᒻᒥᒃ ᐃᓄᐃᑦ ᐊᑐᖅᑐᖁᑎᖏᓐᓂᒃ, ᑐᓴᐅᒪᑎᑦᓯᒍᑕᐅᓗᑎᒃ ᐋᓐᓂᐊᖅᑐᓕᕆᓂᕐᒧᑦ ᐊᑐᐊᒐᕐᒧᑦ, ᐱᐅᓯᐅᔪᓄᑦ, ᐊᐅᓚᓂᐅᔪᓄᓪᓗ ᓄᓇᕗᑦ ᐃᓗᐊᓂ. ᑐᕌᖅᑕᐅᔪᑦ ᑖᑦᓱᒧᖓ ᐃᓕᓐᓂᐊᖅᑐᓂᒃ ᐃᑲᔫᑎᓄᑦ ᐊᐅᓚᓂᕐᒧᑦ ᐃᑲᔪᖅᑐᐃᓂᖅ ᐋᓐᓂᐊᕕᓕᐊᖅᓯᒪᔪᓂᒃ ᖃᐅᔨᓴᓂᕐᒥᒃ ᐃᓕᓐᓂᐊᕈᑎᖃᕐᓗᑎᒃ ᓇᓗᓇᐃᔭᐃᔪᒥᒃ ᑭᙴᒪᒋᔭᐅᔪᓂᒃ ᓄᓇᕗᒻᒥᐅᓄᑦ ᐊᒻᒪᓗ ᐃᖅᑲᓇᐃᔮᓕᓐᓄᑦ ᐱᔨᑦᓯᖅᓱᑎᒃ ᐋᓐᓂᐊᕕᓕᐊᖅᓯᒪᔪᓂᒃ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒥ ᐊᐅᓚᑦᓯᓗᑎᓪᓗ ᖃᐅᔨᓴᓂᕐᒥᒃ ᑭᙴᒪᑦᓯᔪᓄᑦ.
ᐸᖅᑭᔭᒥᓂᒃ ᓈᓚᖕᓂᖅ ᐃᓄᐃᑦ ᐃᓕᓐᓂᐊᖅᑏᑦ ᐃᑲᔫᑎᓄᑦ ᑐᑦᓯᕋᐅᑎᖏᑦ
ᐸᖅᑭᔭᒥᒃ ᓈᓚᖕᓂᖅ ᐃᓕᓐᓂᐊᖅᑎᓂᒃ ᐃᑲᔫᑏᑦ ᐊᐃᑦᑑᑕᐅᓲᖅ ᐃᓄᓐᓄᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᕇᖅᓯᒪᔪᓄᓪᓗ, ᐊᑎᓕᐅᖅᑕᐅᖃᑕᐅᓯᒪᔪᓄᑦ ᐊᑖᓂ ᓄᓇᕗᒻᒧᑦ ᐊᖏᖃᑎᒌᒍᑎᐅᑉ, ᖃᐅᔨᓴᓂᖃᕈᒪᔪᑦ ᐊᑦᑐᐊᔪᓄᑦ ᐃᓄᓐᓄᑦ ᑲᑐᔾᔨᖃᑎᒌᓐᓂᕐᒧᓪᓗ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒧᑦ ᖃᐅᔨᓴᑦᓯᐊᕈᑕᐅᔪᒧᑦ ᓄᓇᕗᒻᒥᐅᑦ ᖃᐅᔨᒪᓕᑕᐅᓗᑎᒃ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᓂᒧᑦ ᓯᕗᓪᓕᐅᑎᔭᐅᔪᓂᒃ ᑲᑐᔾᔨᖃᑕᐅᓗᑎᓪᓗ ᐊᐅᓚᓂᓕᒫᑦᓯᐊᖏᓐᓄᑦ ᖃᐅᔨᓴᕐᓂᐅᑉ.
ᓇᓗᓇᐃᔭᐃᓂᖅ
ᐸᖅᑭᔭᒥᒃ ᓈᓚᖕᓂᖅ ᐃᓕᓐᓂᐊᖅᑎᓂᒃ ᐃᑲᔫᑏᑦ ᑐᓂᔭᐅᕙᑦᑐᖅ ᐊᕐᕌᒍᑕᒫᑦ ᐃᓄᓐᓄᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᖅᑐᓄᑦ ᐊᑦᑐᐊᔪᓄᑦ ᐃᓄᓐᓂᒃ ᑐᙵᕕᓕᓐᓄᑦ ᑲᑐᔾᔨᖃᑎᒌᓐᓂᐅᔪᓄᓪᓗ ᐋᓐᓂᐊᖅᑐᓕᕆᓂᕐᒧᑦ ᖃᓄᐃᙱᓯᐊᕐᓂᕐᒧᓪᓗ ᐅᑯᐊᖑᑦᓱᑎᒃ:
- ᐱᔭᕆᖅᓯᒪᔪᓄᑦ ᐃᓕᓐᓂᐊᖅᑎᓄᑦ: ᒪᕐᕉᒃ (2) ᐃᓅᒃ ᐃᓕᓐᓂᐊᕇᖅᓯᒪᔫᒃ ᐊᐃᑦᑐᖅᑕᐅᓗᑎᒃ $20,000−ᓂᒃ ᐃᓕᓐᓂᐊᖅᑎᓂᒃ ᐃᑲᔫᑎᓂᒃ.
- ᐃᓕᓐᓂᐊᖅᑐᑦ ᐃᓕᓐᓂᐊᖅᑏᑦ: ᒪᕐᕉᒃ (2) ᐃᓅᒃ ᐃᓕᓐᓂᐊᖅᑑᒃ ᐊᐃᑦᑐᖅᑕᐅᓂᐊᖅᑐᑦ ᐊᑐᓂᑦ $10,000−ᓂᒃ ᐃᓕᓐᓂᐊᖅᑐᓂᒃ ᐃᑲᔫᑎᓂᒃ.
ᐃᓕᓐᓂᐊᖅᑕᖏᑦ ᐱᖃᓯᐅᑎᑐᐃᓐᓇᕆᐊᓖᑦ, ᑭᓯᐊᓂ ᑖᒃᑯᑑᙱᑦᑐᑦ, ᐃᓕᓐᓂᐊᖅᑕᐅᔪᑦ ᐃᑲᔪᖅᑐᐃᔪᑦ ᖃᐅᔨᔭᐅᓯᒪᔪᓂᒃ ᑐᙵᕕᐅᔪᓂᒃ ᑐᙵᕕᖃᕐᓗᑎᒃ ᐃᓄᐃᑦ ᐊᑐᖅᑐᖁᑎᖏᓐᓂᒃ ᑐᓴᐅᒪᔾᔪᑕᐅᓪᓗᑎᒃ ᐋᓐᓂᐊᖅᑐᓕᕆᕐᓂᒧᑦ ᐊᑐᐊᒐᕐᒧᑦ, ᐱᐅᓯᐅᔪᓄᑦ, ᐊᐅᓚᓂᐅᔪᓄᓪᓗ ᓄᓇᕗᒻᒥ. ᐅᑯᐊ ᐱᖃᓯᐅᑎᑦᓱᑎᒃ ᐋᓐᓂᐊᖅᑐᓕᕆᓂᕐᒧᑦ ᑐᑭᓯᓂᐊᕐᓃᑦ, ᑕᖅᑳᓂ ᐋᓐᓂᐊᖅᑐᓕᕆᓂᖅ, ᐃᓄᓕᕆᓂᖅ, ᓄᓇᓕᓐᓂ ᐱᕙᓪᓕᐊᑎᑦᓯᓂᖅ, ᐊᒻᒪᓗ ᐊᓯᖏᑦ ᐃᑲᔪᖅᓯᔪᑦ ᑲᑐᔾᔨᖃᑎᒌᑦᑐᓄᑦ ᖃᐅᔨᓴᕐᓂᕐᒧᑦ ᐊᐅᓚᔾᔭᒋᐊᕈᑎᖃᖅᓱᒃ ᑭᙴᒪᒋᔭᐅᔪᓂᒃ ᓄᓇᕗᒻᒥᐅᓄᑦ ᐊᒻᒪᓗ ᐃᖅᑲᓇᐃᔭᖅᑐᓄᑦ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒥ.
ᑐᑦᓯᕋᕈᓐᓇᕐᓂᐊᕈᕕᑦ, ᐃᒪᐃᒋᐊᖃᖅᑐᑎᑦ
- ᓄᓇᕗᒻᒥ ᓄᓇᑖᖃᑕᐅᓯᒪᓗᑎᑦ
- ᑎᑎᕋᖅᑕᐅᓯᒪᓗᑎᑦ, ᑐᑦᓯᕋᖅᓯᒪᓗᑎᓪᓗᓐᓃᑦ ᐅᕝᕙᓗ ᑐᑦᓯᕋᓛᑐᐃᓐᓇᕐᓗᑎᑦ ᑲᔪᓯᔪᒥᒃ ᐃᓕᓐᓂᐊᕐᓂᖃᕐᓂᕐᒧᑦ ᐃᓕᓐᓂᐊᕇᖅᓯᒪᙱᑦᑐᓄᑦ ᐃᓕᓐᓂᐊᕋᑦᓴᒧᑦ, ᐅᕝᕙᓗ ᐃᓕᓐᓂᐊᕇᖅᓯᒪᔪᓄᑦ ᐃᓕᓐᓂᐊᕋᑦᓴᒧᑦ ᖁᑦᓯᑦᑐᒻᒪᕆᓐᓂᒃ ᑲᓇᑕᒥ ᓯᓚᑦᑐᓴᕐᕕᒻᒧᑦ.
ᑐᑦᓯᕋᐅᓯᐅᕐᓂᕐᒧᑦ ᐊᐅᓚᓃᑦ
1. ᐱᓕᕆᐊᕆᔭᕆᐊᓕᖏᑦ, ᖃᐅᔨᓴᕐᓂᕆᖃᑦᑕᖅᓯᒪᔭᖏᑦ ᐊᒻᒪᓘᓐᓃᑦ ᐃᓅᓇᓱᐊᖅᑐᓂᒃ ᐊᑐᖅᓯᒪᔭᖏᑦ
ᑐᔅᓯᕋᖅᑐᓕᒫᓄᑦ ᐊᐱᕆᔭᐅᔪᑦ ᓇᓗᓇᐃᖅᓯᖁᔭᐅᓪᓗᑎᑦ ᖃᓄᐃᑦᑐᓂᓪᓗ ᐃᖅᑲᓇᐃᔮᖃᓚᐅᕐᒪᖔ, ᖃᐅᔨᓴᕐᓂᕐᒥᑦ ᐊᒻᒪᓘᓐᓃᑦ ᐃᓅᓯᕐᒥᓂᒃ ᐊᑐᖃᑦᑕᖅᓯᒪᔭᒥᓂᒃ:
- ᐃᖅᑲᓇᐃᔮᕆᓯᒪᒍᒪᔭᒥᓄᑦ ᐊᑑᑎᔪᑦ ᐅᓪᓗᒥᒧᑦ ᐊᖅᑯᑎᒋᔭᖓᓐᓂ;
- ᐃᑲᔪᖅᑐᐃᔪᖅ ᐱᔪᓐᓇᕐᓂᖏᓐᓂ ᑐᔅᓯᕋᐅᑕᐅᔪᓂᒃ ᖃᔨᐅᓴᖅᑐᓕᕆᓂᕐᒥᑦ ᐱᓕᕆᐊᔅᓴᓂᒃ; ᐊᒻᒪᓗ
- ᓯᕗᓂᑦᑎᓐᓂ ᑭᓇᐅᓂᖓᓂ ᐋᖅᑭᔅᓯᒪᔪᖅ, ᓄᓇᓕᓐᓂᑦ, ᐃᓕᓐᓂᐊᕐᓂᕐᒥᑦ ᑐᕌᒐᖏᓐᓂᓪᓗ ᐃᖅᑲᓇᐃᔮᕆᔪᒪᔭᒥᓂᒃ.
2. ᐃᕝᕕᑦ ᒥᔅᓵᓄᑦ ᑎᑎᕋᖅᓯᒪᔪᑦ
ᑐᔅᓯᕋᖅᑐᓕᒫᓄᑦ ᐅᓂᒃᑳᖁᔨᔪᒍᑦ ᐱᔪᒪᓂᖏᓐᓂ ᖃᔨᐅᓴᕐᓂᕐᒧᑦ ᐃᓕᓐᓂᐊᕈᒪᔪᓂᒃ ᐋᓐᓂᐊᖅᑕᐃᓕᒪᓂᕐᒥᑦ ᓄᓇᕗᒻᒥ ᓱᒻᒪᓪᓗ ᐃᓱᒪᒋᔭᔪᒪᒻᒪᖔᑕ ᑐᓂᕐᕈᑎᓄᑦ. ᓇᓗᓇᐃᖅᓯᓗᑎᑦ ᑐᔅᓯᕋᖅᑐᑦ ᐃᓅᓯᕐᒥᓂᒃ ᐊᑐᖅᓯᒪᔭᒥᓂᒃ ᐃᓱᒪᒋᔭᐅᖃᓯᐅᔾᔭᐅᒐᔭᖅᑐᑦ.
3A. ᐱᔭᕇᖅᓯᒪᔪᓄᑦ ᑭᓯᐊᓂ - ᖃᐅᔨᓴᕐᓂᕐᒧᑦ ᐱᓕᕆᐊᔅᓴᐃᑦ ᑐᔅᓯᕋᐅᑎᐅᔪᑦ
ᐱᓕᕆᐊᔅᓴᐃᑦ ᖃᓄᐃᑦᑑᓂᖏᑦ (ᒪᓕᑦᑐᑦ ᐃᓄᓐᓂᑦ ᑲᒪᓂᐊᖅᑐᓂᒃ ᐱᓕᕆᖃᑕᐅᓂᐊᖅᑐᓂᓪᓗ ᐋᓐᓂᐊᖅᑕᐃᓕᒪᓂᕐᒧᑦ ᖃᐅᔨᓴᕐᓂᕐᒥᑦ)
- ᐱᓕᕆᐊᔅᓴᐃᑦ ᕿᒥᕐᕈᔭᐅᔪᒪᔪᑦ ᑎᑎᕋᖅᑕᐅᒋᐊᓖᑦ ᖃᐅᔨᓴᖅᑐᓕᕆᓂᕐᒥᑦ ᐅᖃᐅᓯᕐᓂᑦ ᐊᑐᕐᓗᑎᑦ ᑐᑭᓯᓇᕐᓗᒋᓪᓗ ᑭᒃᑯᑐᐃᓐᓇᕐᓄᑦ.
- ᐃᓱᒪᒋᔭᓯ ᑎᑎᕋᕐᓗᒋᑦ/ᖃᐅᔨᓴᐅᑎᓄᑦ ᐊᐱᖅᑯᓰᑦ, ᑐᕌᒐᑎᑦ, ᖃᐅᔨᓴᕈᒪᔭᑎᓪᓗ ᐃᓕᖅᑯᓯᕆᓂᐊᖅᑕᑎᓪᓗ, ᐃᓄᓐᓄᑦ ᐊᑐᖅᑕᐅᔪᓐᓇᓂᖏᓐᓄᑦ, ᐱᔭᕇᖅᑲᑦ ᖃᓄᐃᑦᑑᓂᐊᕐᒪᖔᕐᓗ, ᖃᐅᔨᒪᓂᑎᑦ ᐊᑐᓕᖅᑎᑕᐅᓂᖏᑦ ᐸᕐᓇᐅᑎᓂᒃ ᓇᓗᓇᐃᔭᖅᓯᒪᑦᑎᐊᕐᓗᒋᑦ ᐱᔪᓐᓇᖁᓪᓗᒋᑦ ᑕᐃᒃᑯᐊ ᓯᓚᑖᓃᑦᑐᑦ ᒪᓕᑦᑎᐊᕐᓗᑎᓪᓗ ᑐᔅᓯᕋᐅᑎᓂᒃ ᖃᐅᔨᓴᐅᑎᖏᓪᓗ ᒪᓕᒐᖏᑦ ᐊᐅᓚᑦᑎᐊᖁᓪᓗᒋᓪᓗ ᐃᓕᓐᓂᐊᑎᑦᑎᒍᑎᔅᓴᐅᓗᑎᑦ.
- ᓇᓗᓇᐃᔭᕐᓗᒋᑦ ᐃᓄᐃᑦ ᐅᑉᐱᕆᔭᖏᑦ ᒪᓕᒐᖏᓪᓗ, ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᐃᓄᐃᑦ ᐃᓕᖅᑯᓯᕆᓂᐊᖅᑕᖏᑦ ᐋᖅᑭᔅᓱᐃᑎᓪᓗᒋᑦ ᐊᒻᒪᓘᓐᓃᑦ ᑲᒪᑎᓪᓗᒋᑦ ᑐᔅᓯᕋᐅᑎᐅᔪᓂᒃ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᐊᓂᒃ.
- ᓇᓗᓇᐃᔭᕐᓗᒋᑦ ᐱᖅᑯᓯᑐᖃᙱᑦᑐᑦ ᖃᐅᔨᓴᕐᓂᕐᒥᑦ ᐊᑦᑐᐃᓂᖃᕋᔭᖅᑐᑦ/ᐱᔭᕇᖅᑎᓪᓗᒍ (ᐃᓄᐃᑦ ᐃᓱᒪᒋᔭᖏᓐᓃᓐᖔᕐᓗᑎᑦ) ᖃᐅᔨᓴᕐᓗᒋᓪᓗ ᑲᔪᓯᓐᓂᖏᑦ ᑕᐃᒪᐃᓐᓂᐊᖅᑐᒋᔭᒥᓂᕐᓂᑦ ᖃᔨᐅᓴᕐᓂᒧᑦ ᐱᓕᕆᐊᓂᒃ (ᓲᕐᓗ ᓄᓇᓕᓐᓂ ᐱᓕᕆᖃᑎᖃᕐᓗᓂ ᖃᐅᔨᓴᖅᑐᓕᕆᓂᕐᒥᑦ ᐱᔭᕇᖅᑐᓂᒃ).
- ᐱᖃᓯᐅᑎᓗᒋᑦ ᖃᓄᐃᑦᑑᖃᑦᑕᖅᓯᒪᓂᖏᑦ ᐱᔾᔪᑎᖏᓪᓗ ᐃᑲᔫᑎᐅᒍᓐᓇᕐᖓᑕ ᑐᔅᓯᕋᐅᑎᒥᑦ ᖃᐅᔨᓴᖅᑐᓕᕆᓂᕐᒧᑦ ᐃᓗᓕᖏᓐᓂ ᒫᓐᓇᓗ ᖃᓄᐃᓕᖓᓕᕐᓂᖏᓐᓂ ᐊᒻᒪᓗ ᐊᔾᔨᐅᖏᓐᓂᖏᓐᓂᓪᓗ ᐱᓕᕆᐊᖑᒍᒪᔪᑦ.
- ᖃᐅᔨᒪᑦᑎᐊᕐᓗᑎᓪᓗ ᓇᓗᓇᐃᔭᖅᓯᒪᑦᑎᐊᕆᐊᖃᕐᓂᖏᓐᓂ ᕿᒥᕐᕈᔩᑦ ᑐᑭᓯᖁᓪᓗᒋᑦ ᖃᓄᖅ ᑐᔅᓯᕋᐅᑎᐅᔪᖅ ᐱᓕᕆᐊᔅᓴᒧᑦ (ᐅᕝᕙᓘᓐᓃᑦ ᑕᐃᒪᐃᑐᐃᓐᓇᕆᐊᖃᕐᓂᖓᓐᓄᑦ) ᐃᑲᔫᑎᐅᓗᑎᑦ ᓄᓇᕗᑦ ᓄᓇᓕᖏᓐᓂ ᓂᓪᓕᐊᒍᓐᓇᕐᓗᑎᑦ ᐋᓐᓂᐊᕕᓕᐊᖅᑐᑦ ᐃᓚᖏᓪᓗ ᑐᑭᓯᐅᒪᑦᑎᓂᖅᓴᐅᓕᕐᓗᑎᓪᓗ ᐱᓯᒪᔭᐅᓂᖏᓐᓂ ᓄᓇᕗᒻᒥᐅᓕᒫᑦ.
3B. ᐃᓕᓐᓂᐊᖅᑎᑐᐊᓄᑦ ᐱᔭᕇᖅᓯᒪᙱᑦᑐᓄᑦ ᑭᓯᐊᓂ – ᖃᐅᔨᓴᖅᑐᓕᕆᓂᕐᒧᑦ ᐃᓕᓐᓂᐊᑲᐃᓐᓇᕐᓂᖅ ᐃᓕᓐᓂᐊᕈᒫᕐᓂᓪᓗ
ᓇᓗᓇᐃᔭᕐᓗᒋᑦ ᐸᕐᓇᐅᑏᑦ ᐱᐅᓯᕚᓪᓕᕈᑎᔅᓴᐃᑦ ᐃᒻᒥᒃᑯᑦ ᖃᐅᔨᓴᕈᓐᓇᕐᓂᖓᓐᓂ ᐃᓕᓐᓂᐊᕈᓐᓇᕐᓂᖓᓐᓂᓪᓗ ᐃᓄᓐᓂᑦ ᐱᓕᕆᖃᑎᖃᕐᓗᑎᓪᓗ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᖃᐅᔨᓴᕐᓂᕐᒥᑦ.