ᖃᓄᖅ ᑮᓇᐅᔭᑎᒍᑦ ᐃᑲᔪᖅᑐᖅᑕᐅᕕᑦᓴᐅᒻᒪᖔᖅ
ᐸᖅᑭᔭᒥᒃ ᓈᓚᖕᓂᖅ ᐃᓄᐃᑦ ᐃᓕᓐᓂᐊᖅᑏᑦ ᐃᑲᔪᖅᑕᐅᔾᔪᑎᖏᑦ ᑐᕌᖅᑕᖃᖅᑐᑦ ᐃᑲᔪᖅᑐᐃᓂᕐᒥᒃ ᐃᓄᓐᓂᒃ ᐃᓕᓐᓂᐊᖅᑐᓂᒃ ᐃᓕᓐᓂᐊᕇᖅᓯᒪᔪᓂᓪᓗ ᐊᖏᓪᓕᒋᐊᖁᓪᓗᒋᑦ ᐃᓕᓐᓂᐊᖅᓯᒪᓂᖏᑦ ᐱᕙᓪᓕᐊᓂᖏᓪᓗ ᐋᓐᓂᐊᕕᓕᐊᖅᓯᒪᔪᓂᒃ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒥᒃ.
ᑐᕌᖅᑕᐅᔪᖅ ᑕᐃᒪᐃᑦᑐᒧᑦ ᖃᐅᔨᓴᓂᕐᒧᑦ, ᓄᓇᕗᒻᒥ, ᐱᖃᓯᐅᔾᔨᒐᔭᖅᑐᖅ, ᑖᒃᑯᑑᙱᒃᑲᓗᐊᖅᓱᑎᒃ, ᐊᑐᐃᓐᓇᐅᑎᑦᓯᓂᖅ ᖃᐅᔨᔭᐅᓯᒪᔪᓂᒃ ᖃᐅᔨᒪᓂᖃᕐᓂᖅ, ᑐᙵᕕᓕᒻᒥᒃ ᐃᓄᐃᑦ ᐊᑐᖅᑐᖁᑎᖏᓐᓂᒃ, ᑐᓴᐅᒪᑎᑦᓯᒍᑕᐅᓗᑎᒃ ᐋᓐᓂᐊᖅᑐᓕᕆᓂᕐᒧᑦ ᐊᑐᐊᒐᕐᒧᑦ, ᐱᐅᓯᐅᔪᓄᑦ, ᐊᐅᓚᓂᐅᔪᓄᓪᓗ ᓄᓇᕗᑦ ᐃᓗᐊᓂ. ᑐᕌᖅᑕᐅᔪᑦ ᑖᑦᓱᒧᖓ ᐃᓕᓐᓂᐊᖅᑐᓂᒃ ᐃᑲᔫᑎᓄᑦ ᐊᐅᓚᓂᕐᒧᑦ ᐃᑲᔪᖅᑐᐃᓂᖅ ᐋᓐᓂᐊᕕᓕᐊᖅᓯᒪᔪᓂᒃ ᖃᐅᔨᓴᓂᕐᒥᒃ ᐃᓕᓐᓂᐊᕈᑎᖃᕐᓗᑎᒃ ᓇᓗᓇᐃᔭᐃᔪᒥᒃ ᑭᙴᒪᒋᔭᐅᔪᓂᒃ ᓄᓇᕗᒻᒥᐅᓄᑦ ᐊᒻᒪᓗ ᐃᖅᑲᓇᐃᔮᓕᓐᓄᑦ ᐱᔨᑦᓯᖅᓱᑎᒃ ᐋᓐᓂᐊᕕᓕᐊᖅᓯᒪᔪᓂᒃ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒥ ᐊᐅᓚᑦᓯᓗᑎᓪᓗ ᖃᐅᔨᓴᓂᕐᒥᒃ ᑭᙴᒪᑦᓯᔪᓄᑦ.
ᐸᖅᑭᔭᒥᓂᒃ ᓈᓚᖕᓂᖅ ᐃᓄᐃᑦ ᐃᓕᓐᓂᐊᖅᑏᑦ ᐃᑲᔫᑎᓄᑦ ᑐᑦᓯᕋᐅᑎᖏᑦ
ᑐᔅᓯᕋᕐᕕᔅᓴᒧᑦ ᒪᑐᕕᔅᓴᓕᒃ: ᐅᓪᓗᑐᐃᓐᓇᕐᒥ ᔫᓂ 5, 2026
ᐸᖅᑭᔭᒥᒃ ᓈᓚᖕᓂᖅ ᐃᓕᓐᓂᐊᖅᑎᓄᑦ ᑮᓇᐅᔭᖅᑖᔅᓴᒫᑦ ᒪᑐᐃᖓᓕᕐᒥᔪᖅ ᐃᓄᓐᓄᑦ ᐃᓕᓐᓂᐊᖅᑐᓄᑦ ᐊᒻᒪᓗ ᐱᔭᕇᖅᓯᒪᔪᓄᑦ ᐃᓕᓐᓂᐊᖅᑕᒥᓂᒃ ᒪᓕᑦᑐᑎ ᓄᓇᕗᑦ ᐊᖏᕈᑎᖏᓐᓂ. ᐊᕐᕌᒍᑕᒫᑦ ᐱᑎᑕᐅᖃᑦᑕᕋᔭᖅᑐᑦ ᖃᐅᔨᓴᖅᑐᓕᕆᓂᕐᒥᑦ ᐃᓕᓐᓂᐊᖅᑐᑦ ᐱᓕᕆᖃᑕᐅᓗᑎᓪᓗ ᐋᓐᓂᐊᖅᑐᓕᕆᓂᕐᒥᑦ ᐃᓅᓇᓱᐊᑦᑎᐊᕐᓂᒥᓪᓗ − ᖃᐅᔨᓴᕐᓂᕐᒧᑦ ᓄᓇᕗᒻᒥᐅᑦ ᑲᔪᓯᖁᔭᐅᑦᑎᐊᕐᓂᖏᓐᓄᑦ ᐋᓐᓂᐊᖅᑐᓕᕆᓂᕐᒥᑦ ᓯᕗᓪᓕᖅᐸᐅᔾᔨᓗᑎᑦ ᐱᓕᕆᖃᑎᖃᕐᓗᑎᓪᓗ ᑕᒪᒃᑯᓂᖓ ᐱᓕᕆᐊᖏᓐᓂ.
ᐸᖅᑭᔭᒥᒃ ᓈᓚᖕᓂᖅ ᐃᓕᓐᓂᐊᖅᑎᓄᑦ ᑮᓇᐅᔭᖅᑖᔅᓴᒫᑦ ᒪᑐᐃᖓᓕᕐᒥᔪᖅ ᐃᓄᓐᓄᑦ ᐃᓕᓐᓂᐊᖅᑐᓄᑦ ᐊᒻᒪᓗ ᐱᔭᕇᖅᓯᒪᔪᓄᑦ ᐃᓕᓐᓂᐊᖅᑕᒥᓂᒃ ᒪᓕᑦᑐᑎ ᓄᓇᕗᑦ ᐊᖏᕈᑎᖏᓐᓂ. ᐊᕐᕌᒍᑕᒫᑦ ᐱᑎᑕᐅᖃᑦᑕᕋᔭᖅᑐᑦ ᖃᐅᔨᓴᖅᑐᓕᕆᓂᕐᒥᑦ ᐃᓕᓐᓂᐊᖅᑐᑦ ᐱᓕᕆᖃᑕᐅᓗᑎᓪᓗ ᐋᓐᓂᐊᖅᑐᓕᕆᓂᕐᒥᑦ ᐃᓅᓇᓱᐊᑦᑎᐊᕐᓂᒥᓪᓗ − ᖃᐅᔨᓴᕐᓂᕐᒧᑦ ᓄᓇᕗᒻᒥᐅᑦ ᑲᔪᓯᖁᔭᐅᑦᑎᐊᕐᓂᖏᓐᓄᑦ ᐋᓐᓂᐊᖅᑐᓕᕆᓂᕐᒥᑦ ᓯᕗᓪᓕᖅᐸᐅᔾᔨᓗᑎᑦ ᐱᓕᕆᖃᑎᖃᕐᓗᑎᓪᓗ ᑕᒪᒃᑯᓂᖓ ᐱᓕᕆᐊᖏᓐᓂ.
ᐃᓕᓐᓂᐊᖅᑐᓄᑦ ᑮᓇᐅᔭᖅᑖᔅᓴᒫᑦ ᐃᖏᕐᕋᓂᖏᑦ ᑐᓂᓯᓂᖏᓐᓂᓪᓗ
1. ᐃᓄᐃᑦ ᐃᓕᓐᓂᐊᖅᑎᓄᑦ ᑮᓇᐅᔭᖅᑖᔅᓴᒫᖅ (ᖃᐅᔨᓴᖅᑐᓕᕆᓂᕐᒨᖓᔪᑦ) ᑐᓂᓯᔭᐅᖃᑦᑕᕋᔭᖅᑐᖅ ᐊᕐᕌᒍᑕᒫᑦ ᐃᒪᐃᑦᑐᓄᑦ:
- ᒪᕐᕉᒃ ᐃᓅᒃ ᐱᔭᕆᖅᑑᒃ ᐃᓕᓐᓂᐊᖅᑕᒥᓂᒃ ᐃᓕᓐᓂᐊᖅᑐᑦ ᐃᓚᖏᓐᓂ ᐃᓄᓐᓂᑦ ᐱᓕᕆᔪᑦ ᐱᓕᕆᖃᑕᐅᓗᑎᓪᓗ ᐋᓐᓂᐊᖅᑐᓕᕆᓂᕐᒥᑦ ᐃᓅᓇᓱᐊᑦᑎᐊᕐᓂᒥᓪᓗ. ᑲᔪᓯᑦᑎᐊᖅᑐᑦ ᑐᓂᔭᐅᒐᔭᖅᑐᑦ $20,000−ᓂᑦ ᐊᑐᓂ.
- ᒪᕐᕉᒃ ᐃᓅᒃ ᐃᓕᓐᓂᐊᓯᓐᓈᖅ ᐃᖅᑲᓇᐃᔮᕆᔪᒪᔭᒥᓂ ᐃᓕᓐᓂᐊᖅᑐᑦ ᐃᓚᖏᓐᓂ ᐃᓄᓐᓂᑦ ᐱᓕᕆᔪᑦ ᐱᓕᕆᖃᑕᐅᓗᑎᓪᓗ ᐋᓐᓂᐊᖅᑐᓕᕆᓂᕐᒥᑦ ᐃᓅᓇᓱᐊᑦᑎᐊᕐᓂᒥᓪᓗ. ᑲᔪᓯᑦᑎᐊᖅᑐᑦ ᑐᓂᔭᐅᒐᔭᖅᑐᑦ $10,000−ᓂᑦ ᐊᑐᓂ.
2. ᐊᖅᑯᑕᐅᔪᑦ ᐋᓐᓂᐊᖅᑕᐃᓕᒪᓂᕐᒧᑦ ᐃᓅᓇᓱᐊᑦᑎᐊᕐᓂᒧᓪᓗ ᐃᓕᓐᓂᐊᖅᑎᓄᑦ ᑮᓇᐅᔭᖅᑖᔅᓴᒫᖅ ᑐᓂᐅᔭᖃᑦᑕᕋᔭᖅᑐᖅ ᐊᕐᕌᒍᑕᒫᑦ ᐃᒪᐃᑦᑐᓄᑦ:
ᒪᕐᕉᒃ ᐃᓅᒃ ᐃᓕᓐᓂᐊᖅᑏᒃ ᐃᓕᓐᓂᐊᖅᑐᑦ ᐃᓚᖏᓐᓂ ᐃᓄᓐᓂᑦ ᐱᓕᕆᔪᑦ ᐱᓕᕆᖃᑕᐅᓗᑎᓪᓗ ᐋᓐᓂᐊᖅᑐᓕᕆᓂᕐᒥᑦ ᐃᓅᓇᓱᐊᑦᑎᐊᕐᓂᒥᓪᓗ. ᑲᔪᓯᑦᑎᐊᖅᑐᑦ ᑐᓂᔭᐅᒐᔭᖅᑐᑦ $10,000 ᐊᑐᓂ.
ᐱᔪᓐᓇᖅᑎᑕᐅᔪᑦ:
ᐱᔪᓐᓇᖃᑕᐅᓗᓂ, ᑐᔅᓯᕋᖅᑐᖅ ᐃᒪᐃᑦᑑᒋᐊᓕᒃ:
- ᓄᓇᕗᒻᒥ ᐊᑎᖃᖃᑕᐅᓗᓂ ᓄᓇᑖᕈᑎᓂᑦ; ᐊᒻᒪᓗ
- ᐱᓕᕆᓇᓱᐊᖅᑐᖅ ᐸᕐᓇᑐᓪᓘᓐᓃᑦ ᓯᓚᑦᑐᖅᓴᕐᕕᒻᒧᑦ ᐃᓕᓐᓂᐊᕆᐊᓂᐊᕆᐊᖓ (ᐸᐃᑉᐹᖃᕐᓗᓂ ᓯᕗᓕᖅᐹᖅᓯᐅᑎᒥᑦ, ᐊᐃᑉᐸᖓᓐᓂ ᐊᕐᕌᒍᒥ, ᐃᓕᓐᓂᐊᓯᓐᓈᖅ ᐃᖅᑲᓇᐃᔮᕆᔪᒪᔭᒥᓂᒃ); ᐊᒻᒪᓗ
- ᐃᓕᓐᓂᐊᖅᑐᖅ ᐸᕐᓇᑎᑐᓪᓘᓐᓃᑦ ᐃᓕᓐᓂᐊᕐᓂᐊᕆᐊᖓ ᐋᓐᓂᐊᖅᑐᓕᕆᓂᕐᒥᑦ, ᐃᓅᓇᓱᐊᑦᑎᐊᕐᓂᕐᒥᑦ ᐃᓄᓐᓂᑦ ᐱᓕᕆᖃᑎᖃᕐᓂᕐᒥᑦ ᐊᓯᖏᓐᓂᓪᓘᓐᓃᑦ ᖃᐅᔨᓴᖅᑐᓕᕆᓂᕐᒨᖓᔪᓂᒃ.
ᑐᑦᓯᕋᐅᓯᐅᕐᓂᕐᒧᑦ ᐊᐅᓚᓃᑦ
ᖃᓄᖅ ᐱᓇᓱᐊᕈᓐᓇᕐᒪᖔᖅᐱᑦ
ᐱᓇᓱᐊᖅᑐᖅ ᑎᑎᕋᕆᐊᓕᒃ ᐱᔪᒪᔾᔪᑎᒥᑦ ᑎᑎᖅᑲᒥ ᐱᖃᓯᐅᔾᔨᓗᓂ ᓱᒻᒪᑦ ᑕᐃᒪᐃᒍᒪᒻᒪᖔᖅ ᐃᒪᐃᑦᑐᓂᒃ ᑎᑎᕋᖅᓯᒪᓗᓂ:
- ᕿᒥᕐᕈᓗᓂ ᐱᓕᕆᐊᕆᔪᒪᔭᒥᓂᒃ, ᖃᐅᔨᓴᖅᑐᓕᕆᓂᕐᒥᑦ/ᐃᓅᓇᓱᐊᕐᓂᕐᒥᑦ ᐃᖅᑲᓇᐃᔮᕆᔪᒪᔭᒥᓂᒃ ᑐᕌᒐᕆᔭᖏᓐᓂ; ᐊᒻᒪᓗ
- ᑎᑎᕋᖅᓯᒪᓗᓂ ᐃᒻᒥᓂᒃ ᒥᔅᓵᓄᑦ ᓱᒻᒪᑦ ᖃᔨᐅᓴᖅᑐᓕᕆᓂᕐᒥᑦ ᐱᔪᒪᒻᒪᖔᖅ ᓱᒻᒪᓪᓗ ᐃᓱᒪᒋᔭᐅᒋᐊᖃᕐᒪᖔᖅ ᑮᓇᐅᔭᖅᑖᔅᓴᓂᒃ ᐃᓕᓐᓂᐊᖅᑎᓄᑦ.
- ᐅᑯᓂᖓᓗ ᓇᓕᐊᓐᓂ (ᒪᓕᑦᑐᖅ ᖃᐅᔨᓴᕐᓂᕐᒥᓂᒃ):
- ᖃᔨᐅᓴᖅᑐᓕᕆᓂᕐᒧᑦ ᐱᓕᕆᐊᒧᑦ ᑐᔅᓯᕋᐅᑎᒥᑦ (ᐃᓕᓐᓂᐊᕇᖅᑐᓄᑐᐊᖅ ᑖᓐᓇ); ᐅᕝᕙᓘᓐᓃᑦ
- ᓇᒻᒥᓂᖅ ᖃᐅᔨᓴᕐᓂᕐᒧᑦ ᐃᓕᓐᓂᐊᖅᓯᒪᓂᖓᓐᓂ ᐃᓕᓐᓂᐊᕈᒫᕐᓂᖏᓐᓂᓪᓗ (ᐱᔭᕆᐊᓕᒃ ᐃᓕᓐᓂᐊᓯᓐᓈᕈᒪᔪᓄᑐᐊᖅ).
ᓂᕈᐊᖅᑕᐅᓂᖏᑦ
ᑐᔅᓯᕋᖅᑐᑦ ᕿᒥᕐᕈᔭᐅᓂᐊᖅᑐᑦ ᐸᖅᑭᔭᒥᒃ ᓈᓚᖕᓂ NuSPOR ᐊᐅᓚᑦᑎᔪᓄᑦ ᑲᑎᒪᔨᕋᓛᓄᑦ, ᑐᑭᒧᐊᖅᑕᐅᓗᑎᑦ NuSPOR−ᓄᑦ ᑐᑭᓕᐅᖅᑎᒧᑦ.
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ
ᔫᑎ ᑐᕐᑐ ᐊᕙ, ᑐᑭᒧᐊᑦᑎᑦᑎᔨ – ᐸᖅᑭᔭᒥᒃ ᓈᓚᖕᓂᖅ NuSPOR
jodi.durdle-awa@qhrc.ca
ᐃᑲᔪᖅᑐᐃᒍᒪᒐᑦᑕ ᐃᓄᓐᓂᑦ ᐱᔭᕇᖅᑐᓂᒃ ᐃᓕᓐᓂᐊᕕᐊᓗᒻᒥ 2026−ᒥ ᐅᖓᑖᓄᒃᑲᓂᒻᒪᕆᓪᓗ ᐱᓗᑎᑦ!