ᐃᑲᔫᑎᑦᓴᐃᑦ
ᕿᒥᕐᕈᓂᖅ ᐃᑲᔫᑕᐅᒍᓐᓇᖅᑐᓂᒃ ᐊᖅᑯᑕᐅᒍᓐᓇᖅᑐᓂᓪᓗ ᐊᐅᓚᑦᓯᓂᕐᒧᑦ ᐃᓚᐅᓂᕐᒧᓪᓗ POR−ᒥ, ᐋᓐᓂᐊᕕᒻᒦᑦᑐᑦ, ᐃᓕᓐᓂᐊᖅᑏᑦ, ᖃᐅᔨᓴᖅᑏᓪᓗ.
ᑐᙵᕕᒃ ᐃᓄᑐᖃᐃᑦ ᐸᐸᑕᐅᓂᖏᓐᓄᑦ ᖃᐅᔨᓴᕐᓂᕐᒧᑦ ᓄᓇᕗᒻᒥ ᐋᓐᓂᐊᕕᒻᒨᖓᔪᓄᑦ ᐊᐅᓚᓂᖅ
ᐋᖅᑭᓱᖅᑕᐅᓯᒪᔪᖅ ᐊᖅᑯᑕᐅᑦᓱᑎᒃ ᑲᓇᑕᒥ ᑎᒥᐅᔪᑦ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒥᒃ ᐋᓐᓂᐊᕕᒻᒨᖓᔪᓂᒃ ᖃᐅᔨᓴᕐᓂᕐᒧᑦ POR ᐃᓕᓐᓂᐊᕋᑦᓴᖅ, ᑖᓐᓇ ᑐᙵᕕᐅᔪᖅ ᑕᑯᑦᓴᐅᑎᑦᓯᔪᖅ ᐊᓚᒡᒐᐃᑦᑐᒥᒃ ᓴᓇᑐᓂᖃᕐᓂᕐᒥᒃ ᐊᐅᓚᔾᔭᒋᐊᕐᓂᕐᒧᑦ ᐃᓄᑐᖃᐃᑦ ᐸᐸᑕᐅᓂᖏᓐᓂᒃ ᖃᐅᔨᓴᕐᓂᕐᒧᑦ ᓄᓇᕗᒻᒥ. ᓄᓇᕗᒻᒥ ᑐᙵᕕᖃᖅᑐᑦ (POR) ᐃᓕᓐᓂᐊᖅᑐᑦ ᖃᐅᔨᒋᐊᖅᑏᑦ ᖃᐅᔨᓴᕐᕕᒻᒥ ᑐᕌᖅᑕᖃᖅᓯᒪᔪᑦ ᐃᓗᓕᖏᓐᓂᒃ ᑖᒃᑯᐊ ᐃᑲᔫᑏᑦ, ᐋᖅᑭᓱᖅᑕᐅᑦᓱᑎᒃ ᓂᕆᐅᒋᔭᐅᔪᑦ ᒪᕐᕉᓐᓂᒃ ᐃᓄᑐᖃᐃᑦ ᑲᑎᓐᓂᖏᓐᓂᒃ ᖃᐅᔨᔭᐅᑦᓱᑎᒃ ᐃᓗᓕᖅᑐᔪᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᑦᓱᑎᒃ ᐋᓐᓂᐊᖅᑐᓕᕆᓂᕐᒧᑦ ᓇᓗᓇᐃᔭᐃᒍᑏᑦ ᐊᑐᖅᑕᐅᔪᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ ᑲᓇᑕᓕᒫᒥ ᐊᒻᒪᓗ ᓄᓇᕐᔪᐊᕐᒥ.
TCPS 2: CORE-2022 (ᐃᓕᓐᓂᐊᕐᓂᖅ ᖃᐅᔨᓴᕐᓂᕐᒥ ᐱᐅᓯᐅᒋᐊᓕᓐᓂᒃ)
ᐱᖓᓲᓕᖅᑲᖓᔪᑦ ᑲᑎᒪᔩᑦ ᐊᑐᐊᒐᕐᒧᑦ ᐅᖃᐅᓯᖅᑕᖓᑦ: ᐱᐅᓯᐅᒋᐊᓖᑦ ᐊᐅᓚᑦᓯᓂᕐᒧᑦ ᖃᐅᔨᓴᓂᕐᒥᒃ ᐃᓄᓐᓂᒃ (TCPS 2) ᐊᑐᐃᓐᓇᐅᑎᑦᓯᔪᖅ ᐱᐅᓯᐅᒋᐊᓕᓐᓂᒃ ᐊᑑᑎᔪᓂᒃ ᐃᓗᓐᓇᖏᓐᓄᑦ ᖃᐅᔨᓴᕐᓂᓕᒫᑦᓯᐊᓄᑦ ᐃᓄᓐᓂᒃ ᐃᓚᐅᖃᑕᐅᔪᓂᒃ − ᐱᖃᓯᐅᑎᑦᓱᑎᒃ ᑲᑎᖅᓱᖅᓯᒪᔪᑦ ᐊᒻᒪᓗ/ᐅᕝᕙᓗ ᐆᒪᔪᕐᓅᖓᔪᓂᒃ − ᐊᐅᓚᑕᐅᔪᓂᒃ ᐊᑖᓂ ᑎᒥᐅᔪᑦ ᐱᔪᓐᓇᕐᓂᖃᖅᑐᑦ ᐅᑯᓇᖓᑦ ᑮᓇᐅᔭᓂᒃ ᒐᕙᒪᑐᖃᒃᑯᓐᓄᑦ ᑎᒥᐅᔪᓂᒃ (CIHR, NSERC, SSHRC).
ᓱᓕᔪᕐᓂᐊᕐᓂᖅ ᕿᒥᕐᕈᔨᓄᑦ
ᑖᓐᓇ ᐃᓕᓐᓂᐊᕐᓂᖅ ᒪᓂᒪᑎᑦᓯᔪᖅ ᕿᒥᕐᕈᔨᓄᑦ ᐱᕕᖃᕈᑕᐅᑦᓱᓂ ᐃᓚᐅᑎᓐᓂᕐᒧᑦ ᓱᓕᔪᕐᓂᐊᕐᓂᕐᒧᑦ. ᐅᖃᐅᓯᖃᖅᑐᑦ ᐱᐅᓯᐅᓯᒪᔪᓂᒃ ᐊᒻᒪᓗ ᐊᑦᑐᐃᓂᒪᓂᖓᓂᒃ ᑲᓇᑕᒥ ᐊᓪᓚᓂᒃ ᐃᓕᓐᓂᐊᕆᐊᖅᑎᑦᓯᖃᑦᑕᕐᓂᐅᑉ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓂᒃ ᓇᒻᒥᓂᖏᓐᓂᓪᓗ, ᒪᓂᒪᑎᑦᓯᑦᓱᑎᒃ ᖃᐅᔨᒪᓕᑕᕐᓂᒃ ᖃᓄᖅ ᕿᒥᕐᕈᓂᕐᒧᑦ ᐱᐅᓯᐅᔪᑦ ᓯᕗᕙᖅᑎᑦᓯᒍᓐᓇᕐᒪᖔᑕ ᓱᓕᔪᕐᓂᐊᕐᓂᕐᒥᒃ.
ᐊᑐᑎᖃᓪᓚᕆᓐᓂᖏᑦ OCAP®
ᐊᑑᑎᖃᓪᓚᕆᓐᓂᖏᑦ OCAP®, ᐊᔾᔨᐅᖏᑦᑐᖅ ᖃᕆᑕᐅᔭᒃᑯᑦ ᐃᓕᓐᓂᐊᕋᑦᓴᖅ ᐋᖅᑭᓱᖅᑕᐅᓯᒪᔪᖅ FNIGC−ᑯᓐᓄᑦ ᑲᑐᔾᔨᖃᑕᐅᓗᑎᒃ ᐊᓪᓚᐃᑦ ᐊᖅᑯᑕᐅᑦᓱᑎᒃ ᓯᕗᓕᖅᑏᑦ, ᖃᐅᔨᒪᔪᕐᔪᐊᑦ ᐃᓗᓕᖏᓐᓂᒃ, ᖃᕆᑕᐅᔭᒃᑯᓪᓗ ᐃᓕᓐᓂᐊᑎᑦᓯᔨᒻᒪᕆᓐᓂᒃ.
ᐋᓐᓂᐊᕕᒻᒦᑦᑐᓂᒃ ᖃᐅᔨᓴᕐᓂᕐᒧᑦ ᐃᓕᓐᓂᐊᕋᑦᓴᐃᑦ ᓄᑕᕋᐃᑦ ᐋᓐᓂᐊᖅᑐᓕᕆᔭᐅᓂᖏᓐᓄᑦ
PORCCH ᑭᖑᓕᕇᑦᑐᑦ ᑲᑐᔾᔨᖃᑎᒌᓐᓂᐅᔪᑦ, ᖃᕆᑕᐅᔭᒃᑯᑦ ᐃᓕᓐᓂᐊᕋᑦᓴᐃᑦ. ᑖᒃᑯᐊ ᐃᓕᓐᓂᐊᕋᑦᓴᐃᑦ ᐋᖅᑭᓱᖅᑕᐅᓯᒪᔪᑦ ᑲᑐᔾᔨᖃᑎᒌᑦᓱᑎᒃ ᐃᑲᔪᖅᑕᐅᑦᓱᑎᒃ ᐋᓐᓂᐊᕕᒻᒦᑦᑐᓄᑦ ᓇᒻᒥᓂᖏᓐᓄᓪᓗ, ᖃᐅᔨᓴᖅᑎᓄᑦ, ᐋᓐᓂᐊᖅᑐᓕᕆᔨᒻᒪᕆᓐᓄᑦ, ᖃᐅᔨᒪᓂᖃᒻᒪᕆᑦᑐᓄᓪᓗ ᑐᑭᓕᐅᕆᔨᓄᑦ.
ᐱᕈᖅᐸᓪᓕᐊᑎᑦᓯᓂᖅ ᖃᐅᔨᓴᕐᓂᕐᒧᑦ ᑲᓲᒪᓂᐅᔪᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ
ᐱᕈᖅᐸᓪᓕᐊᑎᑦᓯᓂᖅ ᖃᐅᔨᓴᕐᓂᕐᒧᑦ ᑲᓲᒪᓂᐅᔪᓂᒃ ᓄᓇᖃᖅᑳᖅᓯᒪᔪᓄᑦ ᓄᓇᓕᓐᓄᑦ (BRRIC) ᑐᕌᖅᑕᖃᖅᓱᑎᒃ ᓯᐊᒻᒪᖅᑎᕆᓂᕐᒥᒃ ᖃᐅᔨᒪᓂᕐᒥᒃ ᐊᑯᕐᖓᓐᓂ ᐃᓕᓐᓂᐊᕐᓂᕐᒥᒃ ᑎᒍᒥᐊᖅᑐᑦ ᐃᓚᐅᑎᓐᓂᕐᒧᑦ ᐊᓯᔾᔩᓂᕐᒧᕐᑦ ᓄᓇᖃᖅᑳᖅᓯᒪᔪᑦ ᖃᐅᔨᓴᕐᓂᖓᓂᒃ ᐊᑐᕐᓗᑎᒃ ᐱᐅᓂᖅᐹᓂᒃ ᐱᐅᓯᐅᔪᓂᒃ ᐊᐅᓚᓂᐅᔪᓂᓪᓗ ᓴᖅᑮᓗᑎᒃ ᖃᐅᔨᔭᐅᔪᓂᒃ ᐱᕚᓪᓕᕈᑎᑦᓴᓂᒃ ᐃᓗᓐᓇᖏᓐᓄᑦ ᑲᑐᔾᔨᖃᑎᒌᑦᑐᓄᑦ.
ᔫᑳᓐᒥ ᐅᐸᓗᖓᐃᔭᐅᑏᑦ ᐋᓐᓂᐊᕕᒻᒦᑦᑐᓂᒃ ᖃᐅᔨᓴᕐᓂᕐᒧᑦ
ᔫᑳᓐᒥ ᐅᐸᓗᖓᐃᔭᐅᑏᑦ ᖃᐅᔨᓴᕐᓂᕐᒧᑦ ᐋᓐᓂᐊᕕᒻᒦᑦᑐᓂᒃ (YSPOR) ᑐᓂᒪᓂᖃᖅᑐᑦ ᐱᕚᓪᓕᑎᑦᓯᕐᓂᕐᒧᑦ ᐋᓐᓂᐊᖅᑐᓕᕆᓂᕐᒨᖓᔪᓂᒃ ᔫᑳᓐᒥ ᐊᖅᑯᑎᖃᕐᓗᑎᒃ ᓄᓇᓕᓐᓂᒃ ᐊᔭᐅᖅᑐᖅᑕᐅᔪᒃᑯᑦ ᖃᐅᔨᓴᕐᓂᒃᑯᑦ. ᓈᓚᑦᓱᑎᒃ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᓐᓂᒃ ᑲᑐᔾᔨᖃᑎᖃᖅᓱᑎᒃ ᔫᑳᓐᒥ ᐊᓪᓚᓂᒃ. YSPOR ᐃᓂᖃᖅᑐᖅ ᔫᑳᓐ ᓯᓚᑦᑐᓴᕐᕕᔾᔪᐊᖓᓂ ᑮᓇᐅᔭᖃᖅᑎᑕᐅᑦᓱᑎᒃ ᑲᓇᑕᒥ ᑎᒥᐅᔪᓄᑦ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒧᑦ.
Hotiì ts’eeda ᓄᓇᑦᓯᐊᕐᒥ SPOR Support ᐃᑲᔪᖅᑏᑦ
Hotıì ts’eeda ᖃᐅᔨᓴᕐᓂᕐᒧᑦ ᐃᑲᔪᖅᑏᑦ ᑲᔪᓯᑎᑕᐅᑦᓱᑎᒃ ᑎᑦᓱ ᒐᕙᒪᒃᑯᖏᓐᓄᑦ, ᐊᐅᓚᑕᐅᓪᓗᐊᑕᖅᓱᑎᒃ ᓄᓇᑦᓯᐊᕐᒥ (NWT) ᓄᓇᖃᖅᑳᖅᓯᒪᔪᑦ ᒐᕙᒪᖏᓐᓄᑦ. Hotıì ts’eeda ᑲᓱᖃᑎᖃᖅᓯᒪᔪᖅ ᓄᓇᑦᓯᐊᕐᒥ ᓄᓇᓕᖏᓐᓂᒃ ᖃᐅᔨᓴᖅᑎᓂᒃ ᐊᒻᒪᓗ ᑮᓇᐅᔭᓂᒃ ᑎᑭᐅᑎᒍᒪᓪᓗᑎᒃ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒧᑦ ᐃᓕᓐᓂᐊᕐᓂᕐᒧᓪᓗ ᑐᕌᖅᑕᐅᔪᓄᑦ.
CIHR SPOR ᐅᐸᓗᖓᐃᔭᐅᑏᑦ ᐋᓐᓂᐊᕕᒻᒦᑦᑐᓂᒃ ᖃᐅᔨᓴᕐᓂᕐᒧᑦ
ᑲᓇᑕᒥ ᑎᒥᐅᔪᑦ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒧᑦ (CIHR) ᑲᓇᑕᒥ ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑦᓯᓂᕐᒧᑦ ᑎᒥᖓᑦ ᐋᓐᓂᐊᖅᑐᓕᕆᓂᕐᒥᒃ ᖃᐅᔨᓴᕐᓂᕐᒧᑦ. ᑖᒃᑯᐊᖑᑦᓱᑎᒃ 13 ᑎᒥᐅᔪᑦ, ᑲᑐᔾᔨᖃᑎᖃᖅᑐᒍᑦ ᑲᑐᔾᔨᖃᑕᐅᔪᓂᒃ ᖃᐅᔨᓴᖅᑎᓂᓪᓗ ᐃᑲᔪᖅᑐᖅᑐᓂᒃ ᖃᐅᔨᔭᐅᔪᓂᒃ ᓴᓇᑐᓂᐅᔪᓂᓪᓗ ᐱᕚᓪᓕᕈᑕᐅᔪᓂᒃ ᐋᓐᓂᐊᖅᑐᓕᕆᓂᕐᒨᖓᔪᖁᑎᑦᑎᓐᓄᑦ ᓴᙱᓕᖅᐹᓪᓕᑎᑦᓯᑦᓱᑎᓪᓗ ᐋᓐᓂᐊᖅᑐᓕᕆᓂᕐᒧᑦ ᐊᐅᓚᓂᕆᔭᑦᑎᓐᓂᒃ.